Chama cha
ACT-Wazalendo kimekamilisha safu yake ya juu ya wagombea wa nafasi ya
urais kwa upande wa Jamhuri ya Muungano wa Tanzania kwa kumteua Ndugu
Fatma Abdulhabib Ferej kuwa Mgombea Mwenza wa urais wa Luhaga Mpina
ambaye amechaguliwa kuwania Urais katika Uchaguzi Mkuu wa mwaka huu.
Uteuzi
huo umetangazwa rasmi wakati wa Mkutano Mkuu wa chama hicho, ambapo
wajumbe walipitisha jina la Ferej kwa kauli moja kufuatia mapendekezo ya
Kamati Kuu ya chama.Fatma Ferej ni Katibu wa Ngome ya Wanawake ya ACT-Wazalendo, na ana rekodi ndefu ya uongozi serikalini na ndani ya chama.
Ameshawahi
kuwa Mbunge, Mwakilishi wa Baraza la Wawakilishi Zanzibar, pamoja na
kuhudumu kama Waziri wa Nchi katika Ofisi ya Makamu wa Kwanza wa Rais wa
Zanzibar.
Kwa uteuzi huo, Ferej atashirikiana na mgombea urais
wa chama hicho, Ndugu Luhaga Mpina, kuongoza kampeni ya ACT-Wazalendo
kuelekea Uchaguzi Mkuu wa mwaka huu.
