FALIALA MBUTU (MUME WA LUIZER MBUTU) AFARIKI DUNIA

Mwanamuziki Faliala Mbutu ambaye ni mume wa mwimbaji wa Twanga Pepeta, Luizer Nyoni, amefariki dunia.Luizer ameithibitishia Saluti5 kuwa mume wake amefariki dunia muda mfupi uliopita.

Msiba wa Faliala uko nyumbani kwao Salasala jijini Dar es Salaam.Kwa mujibu wa Luizer, mumewe aliugua tumbo na kufanyiwa upasuaji mwanzoni mwa wiki hii,  lakini leo alasiri akafariki.

Faliala alikuwa mpiga bass na mmiliki wa bendi ya The Buffalo ambayo ilikuwa inapiga zaidi kazi za hotelini.Luizer na Faliala walifunga ndoa mwanzoni mwa miaka ya 2000 na kufanikiwa kupata mtoto mmoja wa kiume, Bryan.

Said Mdoe
25/12/2025.