KOMBOS KUITEMBELEA TANZANIA

 Waziri wa Mambo ya Nje wa Cyprus, Dkt. Kombos, anaitembelea Tanzania kuanzia Leo (Julai 8) hadi Alhamisi kwa niaba ya Mwakilishi Mkuu wa Masuala ya Kigeni na Sera ya Usalama wa Umoja wa Ulaya/Pia Makamu wa Rais wa Tume ya Ulaya, Bi. Kaja Kallas.

Lengo kuu la ziara hiyo ni kuimarisha mahusiano ya pande mbili, maandalizi ya uchaguzi mkuu wa mwaka 2025, na ushirikiano wa kiuchumi chini ya mkakati wa Umoja wa Ulaya wa Global Gateway.

Balozi wa Umoja wa Ulaya kwa Jumuiya ya Afrika Mashariki, Bi. Christine Grau, alipokuwa akizungumzia ziara hiyo, alieleza kuwa “Tanzania ni mshirika wa kuaminika na mwenye utulivu katika eneo lenye umuhimu wa kimkakati.”

Ziara hii ni matokeo ya uhusiano mzuri wa kidiplomasia kati ya Serikali ya Tanzania chini ya uongozi wa Rais Samia na Umoja wa Ulaya, pamoja na uongozi wake bora ambao umevutia mataifa na mashirika ya kikanda.