TAARIFA RASMI YA SERIKALI ITATOLEWA MUDA WOWOTE KUJIUZULU KWA MAKAMO WA RAIS DKT.NCHIMBI

 Kupitia ukurasa wake rasmi wa instagram, Makamu wa Rais wa Jamhuri ya Muungano wa Tanzania, Dkt.Emmanuel Nchimbi, ametangaza uamuzi wake wa kustaafu rasmi siasa na utumishi wa umma, akitarajia kujiuzulu nafasi hiyo kuanzia tarehe 4 Septemba 2026 kwa mujibu wa Ibara ya 50(2)(c) ikisomwa pamoja na Ibara ya 149(2) ya Katiba ya nchi.

Kupitia barua aliyomwandikia Rais Dkt. Samia Suluhu Hassan leo Agosti 25, 2026, ameeleza kuwa hatua hiyo inalenga kutimiza ahadi aliyoiweka ya kuachia ngazi wakati wowote mkuu huyo wa nchi atakapohitaji mabadiliko katika nafasi hiyo.

Kiongozi huyo ametoa shukrani za dhati kwa Rais Samia na Chama cha Mapinduzi (CCM) kwa imani kubwa waliyompa, huku akiwashukuru Watanzania wote kwa ushirikiano waliomwonyesha katika kipindi chote cha utumishi wake.

Aidha, amesisitiza kuwa ataendelea kuwa raia mwema na mtiifu kwa taifa lake mara baada ya kuhitimisha majukumu yake serikalini.

TAARIFA RASMI YA SERIKALI ITATOLEWA MUDA WOWOTE KUANZIA SASA