Rais wa Jamhuri ya Muungano wa Tanzania, Dkt. Samia Suluhu Hassan, leo amefungua rasmi miundombinu ya Mabasi Yaendayo Haraka (BRT) Awamu ya Pili inayohusisha barabara za Kilwa, Chang’ombe, Sokoine naKawawa Jijini Dar es salaam.
Katika hafla hiyo, Rais Samia ameambatana na Rais wa
Benki ya Maendeleo ya Afrika (AfDB), Dkt. Sidi Ould Tah, hatua
inayoonyesha ushirikiano wa karibu kati ya Tanzania na AfDB katika
utekelezaji wa miradi ya maendeleo ya miundombinu.
Akizungumza
wakati wa uzinduzi huo, Rais Samia amesema mradi huo ni sehemu ya
jitihada za Serikali kuboresha mfumo wa usafiri wa umma ili kukidhi
mahitaji ya Wananchi na ukuaji wa Jiji la Dar es salaam.
BRT
Awamu ya Pili inatarajiwa kupunguza msongamano wa magari, kufupisha muda
wa safari, kuongeza ufanisi wa usafiri wa umma, pamoja na kuchochea
shughuli za kiuchumi na kuboresha maisha ya wakazi wa Dar es salaam.
0 Comments