Na Ally Mandai.
Timu ya taifa ya Uhispania (Spain) imeandika historia kwa kutwaa ubingwa wa Kombe la Dunia la FIFA 2026 baada ya kuibuka na ushindi wa mabao 1-0 dhidi ya mabingwa watetezi Argentina katika mchezo wa fainali uliopigwa kwenye Uwanja wa New York New Jersey Stadium, East Rutherford, Marekani. Mchezo huo ulimalizika baada ya muda wa ziada kufuatia sare ya bila kufungana ndani ya dakika 90.
GUSA HAPA,REJESHA KUJIAMINI CHUMBANI NA VIKSI LOTION
Fainali hiyo ilikuwa ya ushindani mkubwa huku timu zote zikionyesha kiwango cha juu. Dakika 90 za kawaida zilimalizika bila bao, jambo lililolazimisha kuchezwa dakika 30 za nyongeza. Argentina pia ilimaliza sehemu ya mwisho ya mchezo ikiwa na wachezaji 10 baada ya Enzo Fernández kutolewa kwa kadi nyekundu kufuatia kadi mbili za njano.
Ushindi huo unaifanya Uhispania kurejea kileleni mwa soka la dunia na kutwaa taji la Kombe la Dunia kwa mara ya pili katika historia yake, baada ya mara ya kwanza kufanya hivyo mwaka 2010 nchini Afrika Kusini. Kwa upande wa Argentina, ndoto ya kutetea ubingwa walioutwaa mwaka 2022 imefikia tamati licha ya kupambana kwa nguvu hadi dakika za mwisho.
Ubingwa huu ni mafanikio makubwa kwa kikosi cha kocha Luis de la Fuente, ambaye ameendelea kuijenga Uhispania kuwa moja ya timu bora duniani, baada ya mafanikio yao katika michuano ya Ulaya na sasa kutwaa taji kubwa zaidi katika soka la dunia.
0 Comments