YANGA SC KUANZA NA GABORONE UNITED LIGI YA MABINGWA AFRIKA

 Klabu ya Young Africans SC (Yanga) ya Tanzania imepangiwa kucheza dhidi ya Gaborone United S.C ya Botswana katika hatua ya awali ya Ligi ya Mabingwa Afrika (CAF Champions League) 2026/27.

Ratiba hiyo imepatikana baada ya droo ya mashindano hayo kufanyika leo Agosti 6, 2026 jijini Cairo, Misri, ambapo vilabu vilivyofuzu vimejua wapinzani wao kuelekea hatua ya mchujo.

Yanga SC itaanza kampeni yake ya kuwania ubingwa wa Afrika kwa kumenyana na Gaborone United, huku ikilenga kufuzu hatua inayofuata na kuendelea kuiwakilisha Tanzania katika michuano hiyo ya kimataifa.