Rais wa Marekani, Donald Trump, ameionya Iran kuwa Marekani inajiandaa kufanya mashambulizi mengine usiku huu, ikiwa ni saa chache baada ya kutangaza kuwa makubaliano ya kusitisha mapigano yamevunjika kufuatia mashambulizi ya Iran dhidi ya vituo vya kijeshi vya Marekani katika eneo la Ghuba.
Trump amesema Iran italazimika kubeba matokeo ya hatua zake, akisisitiza kuwa jeshi la Marekani liko tayari kujibu mashambulizi yoyote yatakayohatarisha usalama wa wanajeshi wake na maslahi ya nchi hiyo katika Mashariki ya Kati.
Mvutano huo umeongezeka baada ya Iran kurusha makombora na ndege zisizo na rubani kulenga maeneo yanayotumiwa na jeshi la Marekani katika baadhi ya nchi za Ghuba, hatua iliyosababisha Marekani kufanya mashambulizi ya kulipiza kisasi dhidi ya malengo ya kijeshi ya Iran.
Wachambuzi wa masuala ya usalama wanaonya kuwa kuendelea kwa mashambulizi hayo kunaweza kuongeza hatari ya kuzuka kwa vita vikubwa zaidi katika Mashariki ya Kati, huku pia kukiwa na hofu ya athari kwa usafirishaji wa mafuta kupitia Mlango wa Strait of Hormuz na uchumi wa dunia.
0 Comments