Na Ally Mandai.
Mji wa Turiani uliopo wilayani Mvomero, mkoani Morogoro, unakabiliwa na tishio kubwa la mafuriko kufuatia kuongezeka kwa kina cha maji katika mto Diwale uliovunja kingo zake. Hali hiyo imepelekea maji kuanza kuingia katika makazi ya wakazi, na kuongeza hofu juu ya usalama wa maisha na mali zao.
Taarifa za awali zinaeleza kuwa mvua zinazoendelea kunyesha katika maeneoya milimani ndizo chanzo kikuu cha hali hiyo, ambapo zimeongeza kiwango cha maji mtoni na kusababisha kufurika kwa kasi. Wakazi wa maeneo ya karibu na mto huo wameanza kuchukua tahadhari huku wengi wakilazimika kuhama makazi yao kwa muda ili kuepuka madhara zaidi.
Aidha, mafuriko hayo yamesababisha uharibifu wa miundombinu muhimu ya kijamii ikiwemo barabara na baadhi ya huduma za msingi, hali inayoweza kuathiri shughuli za kila siku za wananchi. Ripoti zinaonesha kuwa mamia ya nyumba zimeathirika kwa viwango tofauti, huku mali za wakazi zikiharibiwa na maji hayo.
Kwa sasa, juhudi zinaendelea kufanywa na mamlaka husika pamoja na wadau mbalimbali kuhakikisha usalama wa wakazi na kupunguza athari zinazoweza kujitokeza. Wananchi wametakiwa kuendelea kuchukua tahadhari na kufuata maelekezo yanayotolewa na vyombo vya usalama ili kuepuka madhara zaidi wakati mvua hizo zikiendelea kuyesha.
TANGAZA NASI BIASHARA YAKO KWA ELFU 20,000/= TU UWAFIKIE MAMILIONI YA WATEJA PIGA 0654414804.
KAMA UNA HABARI WASILISHA KWETU KUPITIA NAMBA HII 0654414804.
0 Comments