Na Ally Mandai
Kocha mkuu wa Yanga Pedro Gonçalves, amechaguliwa kuwa kocha bora wa mwezi Januari katika Ligi Kuu msimu wa 2025/26, tukio ambalo linadhihirisha mafanikio makubwa aliyoyapachika katika timu hiyo katika kipindi kifupi.
Gonçalves aliongoza Yanga kushinda mechi mbili muhimu mfululizo, ikiwemo ushindi wa 3-1 dhidi ya Dodoma Jiji na 6-0 dhidi ya Mashujaa, hatua iliyomuwezesha kuongoza ligi na kupata nafasi nzuri ya kuendelea kupambana katika msimamo wa juu wa Ligi Kuu.
Katika mwezi huo, kocha huyo alionyesha ustadi wa kiufundi na mbinu bora za kuendesha timu, ambapo alifanikiwa kuongeza morali ya wachezaji wake na kuhakikisha kikosi kimekaa imara katika michezo yote iliyochezwa.
Mafanikio haya yamepokelewa kwa shukrani kubwa na mashabiki na wadau wa soka nchini, wakimtambua Gonçalves kama mmoja wa makocha wenye mustakabali mzuri katika soka la Tanzania.
Tuzo hii ni uthibitisho wa jitihada na mafanikio ya Gonçalves, huku akiendelea kuwa mmoja wa viongozi muhimu katika kuboresha kiwango cha ligi na kuleta ushindani mkali miongoni mwa klabu za soka nchini.
0 Comments