Katibu Mkuu wa Chama cha Demokrasia na Maendeleo (CHADEMA), John Mnyika, amesema hali ya afya ya Mwenyekiti wa chama hicho, Tundu Lissu, ambaye anashikiliwa gerezani, siyo nzuri.
GUSA HAPA,REJESHA KUJIAMINI CHUMBANI NA VIKSI LOTION
Akizungumza na waandishi wa habari, Mnyika alisema chama kinaendelea kufuatilia kwa karibu hali ya kiafya ya Lissu na kuwaomba Watanzania kumuombea ili apate nafuu. Amesisitiza kuwa maombi na mshikamano ni muhimu katika kipindi hiki.
Aidha, Mnyika amewahimiza wananchi kuendelea kufuatilia taarifa kuhusu maendeleo ya afya ya Lissu huku akieleza matumaini kuwa atapata huduma zinazohitajika na hali yake itaimarika.
Kauli hiyo imekuja wakati Lissu akisubiri kuendelea kwa kesi inayomkabili katika Mahakama Kuu ya Tanzania.
CHADEMA imeendelea kusisitiza umuhimu wa kufuatilia hali ya afya ya mwenyekiti wake wakati mchakato wa kesi ukiendelea mahakamani.
0 Comments