Mbunge wa Jimbo la Babati Vijijini ambaye pia ni Naibu Spika wa Bunge la Jamhuri ya Muungano wa Tanzania, Mhe. Daniel Sillo, ameungana na mkewe Ukundi Nkya katika maombi maalum ya kuliombea Jimbo la Babati Vijijini na Taifa kwa ujumla.
Maombi hayo yamefanyika Novemba 29 katika kijiji cha Gidas, eneo alipozaliwa Mbunge huyo, na yamehusisha viongozi wa dini kutoka madhehebu mbalimbali pamoja na wazee wa kimila na kijamii.
Tukio hilo lililoandaliwa na Chama Cha Mapinduzi (CCM) Wilaya ya Babati Vijijini limehudhuriwa na mamia ya wananchi, ambao walijitokeza kushiriki dua na sala za kuliombea amani, umoja na maendeleo ya jimbo na taifa.
Aidha, viongozi wa dini walitumia nafasi hiyo kuhimiza mshikamano, maadili na utaifa, wakisisitiza umuhimu wa kuendeleza utamaduni wa kuombea viongozi na maeneo yao kwa ajili ya ustawi wa wananchi.
Maombi hayo yameelezwa kuwa ni ishara ya umoja na dhamira njema ya kulipeleka jimbo mbele katika misingi ya amani na maendeleo endelevu.
.jpeg)
0 Comments