MTWARA YAZIDI KUWEKA MKAZO KATIKA UADILIFU WA WATUMISHI

Katibu Tawala Mkoa wa Mtwara, CPA. Bahati Geuzye amewakumbusha watumishi wa Umma katika Ofisi ya Mkuu wa Mkoa wa Mtwara kuendelea kuzingatia uadilifu katika utendaji wao wa kazi.

“Uadilifu ni pamoja na kuridhika. Tuheshimu mamlaka zilizopo, msiwavunjie heshima viongozi wenu, na kama umekosea ni vizuri kuomba msamaha. Mheshimiwa Mkuu wa Mkoa huwa anasema kila mmoja awe baraka kwa mwenzake.” Alieleza CPA. Geuzye

Awali, Kaimu Katibu Tawala Msaidizi Sehemu ya Utawala na Rasilimali watu, Ndg. Msigwa Manjo alitaja kanuni za utumishi wa umma zikiwemo kutoa huduma bora, kutoa huduma bila upendeleo, kuwajibika kwa umma na matumizi sahihi ya taarifa.

Aidha, katika kikao hiko Taasisi mbalimbali za kifedha zilipata fursa ya kuwasilisha mada kuhusu uwekezaji na mikopo yenye masharti nafuu kwa watumishi wa umma.