Mwenezi wa CCM Zanzibar, Mbeto, amewataka Watanzania kuwapuuza watu wanaopinga uteuzi unaofanywa na Rais wa Jamhuri ya Muungano wa Tanzania, Dkt. Samia Suluhu Hassan. Amesema hatua hizo za upinzani hazina tija kwa Taifa na zinalenga kumchafua Rais ambaye anaendesha nchi kwa busara na hekima.
Ameeleza kuwa uteuzi wa viongozi mbalimbali unaofanywa na Rais Samia unalenga kuimarisha utendaji na kuhakikisha maendeleo yanafika kwa wananchi wote. Kwa mujibu wake, kila aliyeteuliwa amepitia vigezo na anastahili nafasi aliyopewa kwa mujibu wa sheria na taratibu za nchi.
Mbeto amempongeza Mbunge wa Makunduchi, Wanu, ambaye pia aliteuliwa na Rais Samia, akisema ni kiongozi mwenye elimu, uzoefu na uwezo mkubwa wa kuwatumikia wananchi. Amesema wanaobeza uteuzi wa Wanu hawana nia njema bali wanataka kumchafua Rais na kuleta migawanyiko isiyo na msingi.
0 Comments