Na Ally Mandai.
Baada ya kupita zaidi ya miaka 54 tangu mafanikio ya kihistoria ya mpango wa Apollo, Shirika la Anga za Juu la Marekani, NASA, linatarajiwa kuandika historia mpya leo, Aprili 1, 2026, kwa kuzindua rasmi misheni ya Artemis II. Uzinduzi huu utafanyika katika kituo maarufu cha anga za juu cha Kennedy Space Center kilichopo jimbo la Florida nchini Marekani.
Misheni ya Artemis II ni hatua muhimu katika jitihada za binadamu kurejea Mwezini, ikiwa ni safari ya kwanza ya mpango wa Artemis kubeba wanaanga. Katika misheni hii, wanaanga wanne watachaguliwa kusafiri kwa pamoja ndani ya chombo cha kisasa cha anga kinachoitwa Orion. Chombo hiki kimeundwa kwa teknolojia ya hali ya juu ili kuhakikisha usalama na mafanikio ya safari za anga za mbali zaidi ya obiti ya Dunia.
Katika kipindi cha takriban siku 10, wanaanga hao watazunguka Mwezi bila kutua juu yake, wakifanya majaribio mbalimbali ya kisayansi na kiufundi. Safari hii inalenga kuthibitisha uwezo wa mifumo ya chombo cha Orion pamoja na maandalizi ya safari zijazo ambazo zitahusisha kutua kwa binadamu juu ya uso wa Mwezi.
Uzinduzi wa Artemis II unatajwa kuwa hatua kubwa kuelekea malengo ya muda mrefu ya binadamu ya kufanya uchunguzi wa kina wa anga za mbali, ikiwa ni pamoja na safari za kuelekea sayari ya Mirihi (Mars). Mafanikio ya misheni hii yatakuwa msingi muhimu kwa vizazi vijavyo vya utafiti wa anga na uwepo wa binadamu nje ya Dunia.
KAMA UNA HABARI AU TANGAZO LA BIASHARA PIGA NAMBA 0654414804.
0 Comments